चंद्रयान ले नवा बिहान,
हमर तिरंगा, बाढ़य शान।
रोवर चलही दिन अउ रात,
बने-बने बनही हर बात,
दुनिया होगे अचरिज आज,
भारत मुँड़़ अब सजगे ताज,
होगे आगू हिंदुस्तान,
चंद्रयान ले नवा बिहान।
चंदा साउथ पोल प्रज्ञान,
अंतरिक्ष मा अनुसंधान,
'सोमनाथ' के पाके संग,
सफलता के रंगिन रंग,
वैज्ञानिक हें बड़ गुनवान,
चंद्रयान ले नवा बिहान।
सरलग सुग्घर देश विकास,
गढ़त रहिन जुरमिल इतिहास,
नवा-नवा नित होही खोज,
श्री हरिकोटा रद्दा सोज,
चलत रहै अइसन अभियान,
चंद्रयान ले नवा बिहान,
हमर तिरंगा, बाढ़य शान।
कोई टिप्पणी नहीं:
एक टिप्पणी भेजें