वेलेंटाइन डे नहीं-(दोहा गीत)
भारत के बेटा तहीं, रख भारत के मान।
वेलेंटाइन डे नहीं, हमर देश के शान।।
महतारी सउँहे मया, कभु येला झन नाप।
बेटा बनके कर करम, मया-दया ला खाप।।
जनम-जतन दाई-ददा, सिरतों हें भगवान।-१
वेलेंटाइन डे नहीं, हमर देश के शान।।
इहाँ लबारी सब नता, मतलबिया संसार।
असल मया हे अब कहाँ, फेशन हवय पियार।।
तन लोभी लहुटें सबो, मन के नहीं मिलान।-२
वेलेंटाइन डे नहीं, हमर देश के शान।।
छोड़ बिदेशी सभ्यता, सबले बड़ के देश।
अपने संस्कृति अउ कला, भाखा बोली भेस।।
रक्षा करबो अब अमित, रख के हाथ परान।-३
वेलेंटाइन डे नहीं, हमर देश के शान।।
भारत के बेटा तहीं, रख भारत के मान।।
~~~~~~~~~~~~~~~~~~~~~~~
कन्हैया साहू 'अमित' ~ 9200252055
कोई टिप्पणी नहीं:
एक टिप्पणी भेजें